Nola egin aurrez-aurreko eskaeraren izapidea?
Aurrez-aurreko eskera egitea erabakitzen badugu, zein agiri bete behar ditugu? eta non lortu eta non aurkeztuko ditugu? Agiriei buruz jakin behar duzun guztia azalduko dizugu.
Aurrez-aurreko eskaeraren atalean, eskaera-orria eta beharko ditugun agiriei buruzko informazioa aurkituko dugu.
Eskaera non aurkeztu dezakegun ere zehazten da.
Bete beharreko formulario guztiak pdf artxiboak dira eta bete ondoren inprimitu daitezke.
Eskaerak “Eskabideak aurkezteko lekua” loturan zehazten diren lekuetan entregatu beharko dira.
Kasu bakoitzean, zein formatuan erantsi daitekeen azalduko da.
Beste izapideei dagokienez, prozeduraren fitxan agertuko dira sarbideak. Kasu bakoitzean behar diren formularioak eta argibideak ere azalduko dira.
Edozein formulario “prozeduraren fitxa”n, zein “zuzenean” webgunearen “inprimaki bilaketan” topa dezakezu.
Izapidea modu honetan hasten bada ere, horrek ez du esan nahi aurrerago modu elektronikora aldatu ezin dugunik.
Txosten bakoitzaren egoera “nire gestioak” loturan ikus daiteke.
Izapide elektronikoa hasi aurreko azalpenak
Gure eskaera kanal elektonikoaren bidez egitea erabakitzen badugu, zer jakin behar dugu? Erreza da. Lotura prozeduraren fitxan dago eta “tramitazioa” atalaren bitartez edo pantailaren eskuinean dagoen sarbide zuzena erabiliz sartu gaitezke.
Izapide elektronikoaren zuzeneko atzipena “izapide eskaera” atalean aurkituko dugu, eskaera formulario loturaren bidez.
Agiri elektronikoaren bidez egindako identifikazioa beharrezkoa izango da eskabidean sartu ahal izateko.
Eskaerak, erabiltzen ari den ordenagailuan bete eta bidali beharko dira.
Datu zehatzagoak aurkezteko formularioa ere hemen aurkituko dugu.
Baliteke dokumentazio gehiago gehitu behar izatea.
Kasu honetan, izapidearen hasieran atxikitutako pdf-a beteko dugu.
Izapidea hasi baino lehen argibideak irakurtzea komeni da.
Horrekin batera, dokumentazioa eskura izatea beharrezkoa da, eskatzen diguten momentuan atxiki ahal izateko.
Kasu bakoitzean, agiria zein formatutan entregatu daitekeen azaltzen da.
Identifikazioari dagokionez, agiri elektronikoarekin era seguruan egitea beharrezkoa da, Nortasun Agiri Nazional elektronikoarekin, hiritar, zein enpresen agiriarekin.
Erreza da. Txartela ordenagaiularen irakurgailuan sartu eta “jarraitu “ klikatuko dugu.
Ondoren PIN kodearen 4 zifrak sartu beharko ditugu. Zuzenak badira eskaera formularioa agertuko da.
Nola bete eskabidearen datuak?
Izapide elektronikoa hautatuz gero nola bete behar da eskabidea? Lehenengo pausua titularra identifikatzea izango da.
Identifikazioa zuzenki bete ondoren, eskaera irekiko zaigu.
Besterik adierazi ezean, aplikazioak identifikazioan erabilitako txartelean agertzen diren datuak erabiliko ditu.
Ordezkari bat izanez gero , aukera honi dagokion hautaketa egin beharko dugu eta bertan eskatzen zaizkigun datu pertsonalak zuzenki bete.
“Jakinarazpena” atalean, administrazioak bidaltzen dituen jakinarazpenak nola jaso nahi ditugun hautatuko dugu.
Jakinarazpenak posta bidez jaso nahi baditugu, datu postalak bete beharko ditugu.
Jakinarazpen elektronikoa hautatuz gero, oharren atalean telefono zenbakiak zein helbide elekronikoak sartzeko aukera izango duzu.
Horrela, Administrazioak euskadi.net-eko “nire kudeaketak” atalean “jakinarazpen elektroniko” bat daukazula jakinaraziko dizu.
Halaber, administrazioaren oharrak eta jakinarazpenak zein hizkuntzatan jaso nahi ditugun aukeratu dezakegu.
“Deklarazioen” atalean, laguntza jasotzeko beharrezkoak diren baldintzak betetzen ditugula aitortu behar dugu.
Datuak baieztatu baino lehen, datuen babeserako legearen testua irakurri behar dugu eta ados bagaude, “hurrengoa” klikatu.
Derrigorrezko daturen bat faltatzen bada edo daturen bat zuzen ez badago, akats mezu bat agertuko zaigu, arazoa konpondu ahal izateko.
Nola gaineratu akreditazioak edo dokumentazioa?
Eskaera baten izapidea egiteko beharrezkoak diren dokumentuak nola gehitu behar dira? Informazioan eskatzen den dokumentu bakoitzeko “dokumentu elektronikoa gehitu” hautabidea aukeratu beharko dugu.
Argibideetan dokumentazioa zein formatutan egon behar den eta agiriak Administrazioari zein modutan helarazi behar zaizkion adieraziko da. Halaber, dokumentu horiek betetzeko eredu bat eskaintzen den ala ez zehaztuko da. Batzuk sinadura behar izango dute.
Beste kasu batzuetan, Administrazioak baimena eskatuko digu dokumentazio hori gure izenean jaso ahal izateko.
Ezetz esaten baduzu, paper horiek guk geuk entregatu beharko ditugu.
Ekarpenerako argibideetan kasu bakoitzarako zein formatu diren baliogarriak adierazten da.
“Beste dokumentuak” atalean, izapidearekin batera doazen beste agiri batzuk gehitzeko aukera izango dugu.
Behin atal guztiak beteta “hurrengoa” klikatu.
Orain arte sartutako datuen, deklarazioen, baimenen eta agirien laburpena agertuko zaigu.
Atzera bueltatzeko aukera ere emango zaizu, akatsen bat zuzendu ahal izateko. Dena zuzena bada, “sinatu” hautabidea aukeratu behar dugu.
Nola sinatzen da eskabide elektronikoa eta nola jasotzen da bidalketaren frogagiria?
Izapide elektronikoan nola sinatzen da eskaera?
Adimistrazioari eskaera bidali baino lehen sinatu beharko dugu.
Honetarako, “sinatu” aukera hautatuko dugu.
Ondoren ordenagailuaren irakurgailuaren sartutako txartelaren PIN kodea idatziko dugu.
Orain, “Onartu” botoia sakatuko dugu.
Zuzena bada sartu ditugun datuak agertuko dira, baita erantsi ditugun dokumentuak eta sinadura ere.
Zerbait aldatu nahi baldin badugu atzera egin dezakegu.
Eta dena zuzen badago eskera bidali aukera sakatuko dugu.
Behin eskaria bidalita, eragiketaren baieztapena adierazten duen mezu bat ageriko zaigu.
Behin eskabidea zuzen bidalita dagoenean, pertsona interesatuak igorpenaren frogagiria jasoko du. Horrek zera esan nahi du: Administrazioak eskabidea jaso duela eta automatikoki prozedura hasiko dela.
Erregistroaren frogagirian, izapidearen datu guztiak agertuko dira. Hala nola erregistroaren datuak eta zenbakiak.
Era berean, prozedura hasi duen pertsonaren datuak adieraziko dira, baita diru-laguntzaren xedea eta gaia ere.
Halaber, eskabidera atxikitutako agirien zerrenda eta sinadura digitala azalduko dira.
Orrialdearen zenbait lekutan dagoen “nire kudeaketak” izeneko esteka klikatu beharko dugu gainerako beste izapide guztiak burutzeko.
